Sin categoría
Hobekuntza etengabearen bila
mar 18th
Bart NBAko Los Angeles Clippers eta New York Knicks taldeen arteko partidua ikusten ari nintzela, emanaldian partida hasi aurreko 3 ordu lehenagoko irudiak jarri zituzten: Jaso Kidd, New York-eko joko antolatzaile beteranoa hiruko jaurtiketak egiten ari zen. Atzean “Shooting coach” edo jaurtiketa entrenatzailea, jaurtiketa bakoitzaren ondoren, keinu teknikoari buruzko ñabardurak egiten ikusten zen eta jokalaria adi. Jason Kidd ez da jokalari hasiberria. Martxoaren 23an 40 urte beteko ditu eta ibilbide luze bezain oparoa du NBAn: ia 1400 partida jokatu ditu, 2. da ligako historian asistentzia kopuru gehien eman dituztenen zerrendan, NBAko Txapeldun izan zen 2010-2011 denboraldian Dallas Mavericks taldearekin eta EEBBko selekzioarekin 2000 eta 2008ko joko olinpikoetan urrea lortu zuen.
Milaka jaurtiketa egingo zituen bere kirol ibilbidean eta horrek ez dio ikasteko eta hobetzeko sena ahuldu, ikasteko gogoa du oraindik eta ikasten jarraitzen du. Kirolari baten ibilbidea ikasi beharreko guztia agortuta dagoela uste duenean amaitzen da. Berdin dio 20, 28 edo 35 urte eduki. Ikasten jarraitu ezin duen kirolariak, dena ikasita duela uste duenak, nekez lortuko du hobekuntza. Kirolari baten ibilbidean, gorabeherak egon ohi dira. Sasoi aldetik hobeto eta ez hain ondo dagoen garaiak, arlo teknikoan zehatzago eta baldarrago ari den uneak nahiz motibazio handiagoa edo txikiagoa duen garaiak. Bizitzaren beraren More >
Estresa ezagutu eta kontrolatzeko ikastaroa
ots 5th
Irudia: http://www.flickr.com/photos/anieto2k/
Estresak bizi gaitu. Presak, zeregin pilatzeak, ezin iristearen usteak. Gizarte “moderno”en gaitza omen. Estresa XXI. mendeko epidemia, estresaren morroi gara, estresaren gatibu. Estresa gora eta estresa behera. Azken urteotan ezpainetan gehien erabili dugun hitza, krisi hitzaren ondoren, ziurrenik.
Baina, ba al dakigu zer den estresa? Estresa beti txarra al da? Estres onik ba al dago? Nondik datorkigu estresa? Nola erantzuten duzu estres egoeren aurrean? Zer egin dezakezu estresa maneiatzeko? Estresik ba al da benetan?
Horrelako eta antzeko galderak badituzu, zure bizitza pertsonalean nahiz lanean, estresak itota bizi zarela sentitzen baduzu eta estresari aurre egin eta lasaiago bizitzen ikasi nahi baduzu, ikastaro hau zuretzat sortu dugu.
Estresari buruz gehiago jakin eta estres egoerak hobeto maneiatu eta lasaiago bizi nahi duen edozein pertsonarentzat sortu dugu “Estresa ezagutu eta kontrolatzeko ikastaroa”.
Ikastaroa Tolosan egingo dugu, Usabal Kiroldegiko Kirol Teknifikazio Zentroan, Bpxport-ek antolatuta.
Otsaila eta Martxoa bitartean. Otsailaren 18tik aurrera. 15 egunetik behin 2 orduko 3 saiotan. 6 ordu guztira. Astelehenetan edo asteazkenetan. Zuk aukeratu.
Ikastaroari buruzko informazioa: http://kirolpsikologia.net/tailerrak/estresa-ezagutu-eta-kontrolatzeko-ikastaroa/
Otsailak 15era arte zabalik duzue izenematea. Prezioa: 50 euro
Izena emateko edo informazio gehiago eskatzeko: Emaila: info@bpxtecnificacion.es Telefonoa: 943 67 24 59
“Faktoria” irratsaioan solasean
mai 4th
Gaur goizean Euskadi Irratiko “Faktoria” irratsaioan solaean aritu gara Iñigio Mujika Araba USP Sport Clinic-eko fisiologoa eta biok. Gaia: Mourinho eta Guardiola, Real Madrid eta Bartzelona. Gustura aritu gara batzuen eta besteen inguruan solasean.
Neskak, errugbi taldea osatu nahi dute Hernanin!
mar 30th
Blog honetan, kirola eta psikologiaz gain, ezagutzen ditudan proiektu interesgarrien inguruan ere arituko naiz. Gaurkoan, propaganda egin nahi diet eta bultzadatxoa ematen saiatu Hernani Rugby taldean sortzear dagoen neska taldeari. Hemen kontatu nuen Gipuzkoako Errugbi Federazioaren bitartez Eskola Kiroleko hezitzaileentzat formazio saioak emango nituela. Hernani Errugbi taldeko entrenatzaileak eta hezitzaileak izan dira nagusi.
Hauen artean egon dira Hernaniko errugbi nesken taldea atera dadin lan eta lan ari diren Nerea eta Maider ere, taldeko entrenatzaileak izango direnak. Entrenatzen hasi aurretik formatzen eta erronkarako prestatzen. Guztion laguntza beharko dute, ez baitute erronka makala aukeratu. Huts-hutsetik hasita, nesken taldea sortzea. Emakumeen kirolak oraindik pausu handiak eman behar ditu, mutilen kirolak itzala baino gehiago, erabat estaltzen baitu emakumeen kirola. Lan asko dago egiteko baina pausu txikiak eta sendoak behar dira horretarako. Hernani Rugby taldean badakite eta prest dira aldaketa bidean pausu txikiak ematen hasteko.
Egitasmo interesgarria da oso eta dagoeneko zenbait neska badituzte entrenatzen hasteko prest. Adin tartea gainera zabala dute. Interesa azaldu dutenen artean 14 urteko neskatila bat eta 49 urteko emakume bat badaude, besteak beste, eta errugbian esperientzia baduten neskak eta kirol honentan lehenengo aldiz arituko direnak elkartuko dira. Ez duzue aitzakiarik beraz, neskak! Giro jatorrean ondo pasa, sasoian egon eta talde kirol berri bat ezagutu More >
Sevilla CF-eko Psikologo Taldea
urr 11th
Sevilla futbol taldeko harrobiko jokalariekin lan egiten duen psikologo taldeari buruzko telebista erreportaia interesgarria topatu dut. Psikologo talde batek kirol elkarte batean nola lan egiten duen ikusi ahal izango duzue bertan.
Oharra: Bideoa gaztelera hutsean dago.
1. zatia
2. zatia
HASTERA GOAZ, BERRIZ
urr 8th
Urria gainera etorri zaigu eta horrekin batera ikasturtea martxan da. Haurrak eskolara ia duela hilabete hasi ziren eta kirolari eta entrenatzaile asko ere kirol elkarteetara itzuli dira udako oporraldia amaitu ondoren. Webgunea prestatzen duela hilabete batzuk hasi ginen, baina bidean hainbat kontu pilatu zaizkigu eta hasiera “ofiziala” atzeratu egin behar izan dugu, baina bidean gara berriz ere. Aurten ere, urtero legez ( badira 5 urte), kirolariei, entrenatzaileei eta Kirol elkarte eta federakuntzei zuzenduriko zerbitzuak prestatu ditugu. Aurreko urteetan prestatutakoen antzekoak, baina desberdinak. Zerbitzuak kaleratu eta hurrengo egunetan mota guztietako erantzunak izaten ditugu. Noizean behin kirolariren batek zerbitzuen inguruko kontsultaren bat egiten du email edo teléfonoz, ikastaroren batekiko interesa azaltzen du Kirol elkarteren batek, guraso batek deitzen du zerbitzuei buruzko informazio gehiago jakin nahian… Gutxienekoak izaten dira, normalena isiltasuna izaten baita, erantzun nagusia erantzunik eza. Berariazko ikastaro eta tailerrak ere antolatu izan ditugu, zerbitzu hauetatik kanpo, entrenatzaile, Kirol hezitzaile, haur kirolariak dituzten guraso eta baita kirolariei zuzendurikoak. Izenematea zabaldu eta gehienez ere 2 edo 3 izenemate izan ditugu. Ondorioa: ikastaro edo tailerra bertan behera gelditzen da. Saiatzen gara erantzun falta eta isiltasun hori ulertzen eta aztertzen. Zergatik ez dira geuregana hurbiltzen? Zergatik ez dute geure formazio ikastaro eta tailerretan parte hartzen? More >
Hastera goaz
urr 5th
Egitasmo guztiak bezala, errealitate bihurtzea nahi dudan ametsa da. 2005. urtean sortutako KirolPsikologia.com-en enbor beretik sortua. Orduan, gazteagoa nintzen, eskarmentu gutxiago. Orduko amets egiteko gaitasunari eskarmentua gehitzen diot orain. Aritz Olagoi izenez, kirol psikologoa naiz. Sarritan entzun behar izan dudan galdera: Zer egiten du kirol psikologo batek? Sarri askotan topatu izan naiz galdera hori egin izan didan jendearekin. Norbait ezagutu eta kirol psikologoa naizela esaten diodanean, zer demontre ote da hori? adierazten duten aurpegiak ikusten ditut maiz.
Kirolean dabilen pertsona orori laguntzeko gaude: kirolariak, entrenatzaileak, epaileak, gurasoak… Ez dugu soilik goi mailako kirolariekin lan egiten, edozein mailatan bere errendimendua edota ongizatea hobetu nahi duen pertsona ororekin egiten dugu lan, hasi gazte mailako kirolari hasiberriarekin eta goi mailako kirolean errendimendua hobetzen burubelarri dagoen kirolariarekin bukatuz.
Gure lan tresna hitza da. Kirolariarekin edo entrenatzailearekin hitzegin egiten dugu, hitza kirolari edo entrenatzaileari ematen diogu. Berak egiten, sentitzen eta pentsatzen dituenak hitzetan jartzen laguntzen diegu. Kirolaria, hitzegitera baino, mugimendura, egitera ohituta dago eta guk egiten duen hori hitzetan jartzeko aukera ematen diogu. Egiten ari den horren inguruan pentsarazi. Hitza forma ezberdinetan: Elkarrizketak, Galdeketak, egunerokoak, tailerrak, talde dinamikak...bakoitzaren beharren eta denboraren arabera.
Oinarrian jarduera fisikoa eta mugimendua, hitzetan jartzen saiatzen gara. Pertsonak gustura sentitu daitezen edozein delarik ere beraien kirola. Horixe da More >