Lehiaketa aurreko 10 akats psikologiko
api 16th
“Kirolariarentzat prestakuntza psikologikoa” ikastaroan aritu gara Donostian azkeneko 2 hilabete eta erdian. Gaur dugu azkeneko saioa Kiroletxean. Arratsaldeko saioan landuko dugun gaia “Lehiaketaren prestakuntza psikologikoa” izango da. Lehiaketa kezka iturria izan ohi da kirolariarentzat. Hilabeteetan edo asteetan entrenamenduan landutakoa frogatzeko unea da, erabakigarria kirolariarentzat.
Arlo psikologikoa indartu edo hobetu nahi duten kirolari gehienek, kontsultan behintzat, lehiaketarekin erlazionatutako antsietatearekin eta kontrolatu ezin dute urduritasunarekin arazoak izaten dituzte. Lehiaketa, azken azterketa gisa hartzen dute eta lehiaketa unean erdiratzen dituzte pentsamenduak. Lehiaketa 3 zatitan banatzen saiatu behar luke kirolariak: Lehiaketa aurrea, lehiaketa eta lehiaketa ondorena.
Lehiaketa aurrea behar bezala zaintzea ezinbestekoa da. Bertan sortzen baitira lehiaketan azaltzen diren urduritasun, tentsio eta neke asko. Jarraian, lehiaketaren aurretik egin ohi diren eta gaurko saioan hizketagai izango ditugun Lehiaketa aurreko 10 akats psikologiko ohikoenak partekatu nahi ditut hemen:
1.- Zure errendimenduaren espektatiba zurrunegiak egitea
Kirolariei askotan errepikatzen diedan mezua: “lehiaketara duzun guztia ematera joan behar duzu eta horren arabera etorriko da emaitza”. Kirolariak sarritan irabazteko helburuak jartzen ditu eta horrek presio gaindiezina sortzen dio. Kirolariak lehiaketara ahalegin handiena egitera joan behar luke, duen guztia ematera. Emaitza bere lanaren ondorioa izango da, ez da helburu itsu bilakatu behar.
2.- Autokonfidantza zortearen esku uztea
Autokonfidantza entrenamenduetan landu beharreko aldagai psikologikoa da. Entrenamenduetan ongi egindakoak emango dio kirolariari More >
KIROLA, ELKARBIZITZARAKO TRESNA
mar 27th
Blog honetan, kirolaren inguruko ikuspegi desberdinak lantzen saiatzen naiz. Batzutan, errendimendua handitzeko baliabideen inguruan aritzen naiz, beste batzuetan kirolari edo entrenatzaileen arteko komunikazioa hartzen dut hizpide eta behin baino gehiagotan aipatu izan dut kirola heziketarako tresna ezinhobea izan daitekeela.
Pasa den Martxoaren 22 eta 23an Euskadiko Errugbi Federazioak: “Kirola, gizarte garapenerako tresna. Errugbiaren eredua” mintegia antolatu zuen Kirolaren Eurosarearen laguntzarekin.
Kirolak, kiroletik haratago eskaintzen dituen aukeren inguruan hausnartzeko topaleku ezinhobea. Mintegiak ere ezin intesgarriagoak izan ziren. Ostiralean eta larunbatan izan zen mintegia eta lan kontuak tarteko ostiralean bakarrik izan nintzen bertan. Hauexek landu ziren gaiak:
“Jokoa errugbian: desberdinen arteko topalekua” Iñaki Laskurain Euskadiko Errugbi Federazioko Presidentearen eskutik.
” Kirola gatazka politikoetan adiskidetzeko tresna” Santi Merino, Kirol Zuzenbideko Euskal Elkarteko Lehendakariaren eskutik. Gatazka politikoen inguruko nazioarteko zuzenbideko zeinbat aipamen egin zituen, pixkanaka, errugbiaren eta gatazka politikoetako konpoketa esparruetara hurbilduz modu didaktikoan.
“Inser Sport” ekimena aurkeztu zuen Pierre Vialak, Frantziako errugbi federazioak errugbiaren bidez gizarteratzeko arloaren arduradunak.
Amaitzeko, Christ Webster-ek Ulsterko errugbi Federazioko teknikariak “Kirola eta gizarte gatazka Ulsterren. Errugbiaren adibidea”.
Aurkezpen guztien ildo nagusia berbera: Kirola eta errugbia gizartean eragiteko tresna, gizarte arazoak konpotzen saiatzeko bitartekoa. Errugbia baliabidea, baina funtsezkoa, giza faktorea, pertsonen arteko ezagutza eta komunikazioa sustatzea. Ezagutzen ez dugun pertsona ezagutzean, ezezaguna izate hutsagatik eraiki ditugun beldur More >
Hobekuntza etengabearen bila
mar 18th
Bart NBAko Los Angeles Clippers eta New York Knicks taldeen arteko partidua ikusten ari nintzela, emanaldian partida hasi aurreko 3 ordu lehenagoko irudiak jarri zituzten: Jaso Kidd, New York-eko joko antolatzaile beteranoa hiruko jaurtiketak egiten ari zen. Atzean “Shooting coach” edo jaurtiketa entrenatzailea, jaurtiketa bakoitzaren ondoren, keinu teknikoari buruzko ñabardurak egiten ikusten zen eta jokalaria adi. Jason Kidd ez da jokalari hasiberria. Martxoaren 23an 40 urte beteko ditu eta ibilbide luze bezain oparoa du NBAn: ia 1400 partida jokatu ditu, 2. da ligako historian asistentzia kopuru gehien eman dituztenen zerrendan, NBAko Txapeldun izan zen 2010-2011 denboraldian Dallas Mavericks taldearekin eta EEBBko selekzioarekin 2000 eta 2008ko joko olinpikoetan urrea lortu zuen.
Milaka jaurtiketa egingo zituen bere kirol ibilbidean eta horrek ez dio ikasteko eta hobetzeko sena ahuldu, ikasteko gogoa du oraindik eta ikasten jarraitzen du. Kirolari baten ibilbidea ikasi beharreko guztia agortuta dagoela uste duenean amaitzen da. Berdin dio 20, 28 edo 35 urte eduki. Ikasten jarraitu ezin duen kirolariak, dena ikasita duela uste duenak, nekez lortuko du hobekuntza. Kirolari baten ibilbidean, gorabeherak egon ohi dira. Sasoi aldetik hobeto eta ez hain ondo dagoen garaiak, arlo teknikoan zehatzago eta baldarrago ari den uneak nahiz motibazio handiagoa edo txikiagoa duen garaiak. Bizitzaren beraren More >
Entrenamenduaren psikologia (1)
ots 12th
Bulegora laguntza bila etortzen diren kirolarien arrazoiak anitzak izaten dira. Orokorrean 2 taldetan sailkatu genitzake: Arazorik konkreturik ez duten kirolariak, prestakuntza psikologikoa indartu nahi dutenak eta arazo jakin bati aurre egin nahi dioten kirolariak.
Psikologoarengana etortzea erabakitzen duten arrazoiak desberdinak izan arren, bi multzoetako kirolarien azken helburua lehiaketan errendimendua hobetzea eta arlo psikologikoa landuz emaitza hobeak lortzen saiatzea izaten da. Burua indartu lehiaketari begira, lehiaketaren prestakuntza psikologikoa xede.
Psikologoaren zeregina, ordea, kirolariak lehiaketako errendimendua hobetu eta emaitza hobeak lortu ditzan, entrenamenduaren garrantzia ezpimarratzea izaten da.
Askotan, kirolariek burua lehiaketan bakarrik jartzen dute. Arreta eta energia guztiak lehiaketara begira xahutzen dituzte eta entrenamenduari garrantzia kentzen diote.
Entrenamendua da lehiaketan emaitza onak lortzeko aukerak handitzeko dugun tresna. Entrenamenduan landu behar ditugu arlo fisikoa, teknikoa, taktikoa eta psikologikoa, gero lehiaketan errendimendu egokia eman nahi badugu. Oraindik ezagutzen edo lantzen ez ditugun arloak ikasi,dagoeneko ezagutzen ditugunak hobetu eta ongi egiten duguna perfekzionatzeko esparrua izango da entrenamendua.
Arlo fisiko-tekniko-taktiko-psikologikoa osotasunean landuko ditugu ia beti, edozein jarduera egiten dugularik. Arlo desberdinen arteko harremana jarraia eta etengabea baita.
Adibidez: Gimnasioan pisuak altxatzen ari garenean ez gara indarra lantzen ari bakarrik, baita sufritzeko gaitasuna ere, geure buruari “segi” esateko ahalmena. Saioa amaitzeko 3 altxaldi gelditzen zaizkigunean eta indar tantarik ez dugula sentitzen, jarraitzen badugu buruarentzat More >
Estresa ezagutu eta kontrolatzeko ikastaroa
ots 5th
Irudia: http://www.flickr.com/photos/anieto2k/
Estresak bizi gaitu. Presak, zeregin pilatzeak, ezin iristearen usteak. Gizarte “moderno”en gaitza omen. Estresa XXI. mendeko epidemia, estresaren morroi gara, estresaren gatibu. Estresa gora eta estresa behera. Azken urteotan ezpainetan gehien erabili dugun hitza, krisi hitzaren ondoren, ziurrenik.
Baina, ba al dakigu zer den estresa? Estresa beti txarra al da? Estres onik ba al dago? Nondik datorkigu estresa? Nola erantzuten duzu estres egoeren aurrean? Zer egin dezakezu estresa maneiatzeko? Estresik ba al da benetan?
Horrelako eta antzeko galderak badituzu, zure bizitza pertsonalean nahiz lanean, estresak itota bizi zarela sentitzen baduzu eta estresari aurre egin eta lasaiago bizitzen ikasi nahi baduzu, ikastaro hau zuretzat sortu dugu.
Estresari buruz gehiago jakin eta estres egoerak hobeto maneiatu eta lasaiago bizi nahi duen edozein pertsonarentzat sortu dugu “Estresa ezagutu eta kontrolatzeko ikastaroa”.
Ikastaroa Tolosan egingo dugu, Usabal Kiroldegiko Kirol Teknifikazio Zentroan, Bpxport-ek antolatuta.
Otsaila eta Martxoa bitartean. Otsailaren 18tik aurrera. 15 egunetik behin 2 orduko 3 saiotan. 6 ordu guztira. Astelehenetan edo asteazkenetan. Zuk aukeratu.
Ikastaroari buruzko informazioa: http://kirolpsikologia.net/tailerrak/estresa-ezagutu-eta-kontrolatzeko-ikastaroa/
Otsailak 15era arte zabalik duzue izenematea. Prezioa: 50 euro
Izena emateko edo informazio gehiago eskatzeko: Emaila: info@bpxtecnificacion.es Telefonoa: 943 67 24 59
“KIROLARIARENTZAT PRESTAKUNTZA PSIKOLOGIKOA” IKASTAROA
urt 29th
Gaur emango diogu hasiera “Kirolariarentzat Prestakuntza Psikologikoa” ikastaroari Donostian. Ikastaroari buruzko informazio guztia webgune honetan topatuko duzue: http://kirolpsikologia.net/tailerrak/kirolariprestakuntzapsikol/
Izenburuan adierazten den moduan, kirolariei zuzenduriko ikastaroa da, kirolarientzat. Ez da bereziki errendimendu maila handiko kirolarientzat bakarrik, baizik eta edozein mailatako eta edozein kiroleko kirolariarentzat da. Kirolaria, norbanako gisa ulertuta, talde kirolean nahiz kirol indibidualean arituta ere.
Ikastaro hau zuretzat da. Zure ezaugarri, nahi eta beharretara egokitzeko asmoz pentsatua. Zure asmoa zure mailan hobekuntza lortzea bada eta kirolean gustura eta asebeteta sentitzea bada, agian zure interesekoa izan liteke.
Pertsona bakoitza desberdina gara, bakarra. Printzipio horretatik abiatuta diseinatu dugu ikastaroa. Horregatik izenemate mugatua izango du, zuetako bakoitzari arreta egokia eskaini ahal izateko eta behar duzun denbora izan dezazun zure prestakuntza psikologikoa sortzen joateko. Saio batetik bestera 15 eguneko tartea utzi dugu landuko dituzun edukiak zure eguneroko kirol entrenamenduan lasai txertatzen joateko, presarik gabe. Saio arteko tarte horietan, etxean zereginak bete beharko dituzu, beti ere zentzu praktikoa izango dutenak, entrenamendu edo lehiaketan aplikatzekoa. Ibilbide horretan, gainera, nire laguntza izango duzu, behar izanez gero, uneoro.
KAIERA
Ikastaroa zuretzat aldagai psikologikoen ezagutzan sakontzeko bidaia bat izan dadin, eduki teorikoak eta praktikoak bilduko dituen bidaia kaiera edo koaderno bat jasoko duzu. Saio bakoitzean landuko direnekin osatuz joango zara kaiera hori. Baina kaierari zein More >
FutbolazBlai, futbolean formazioa euskaraz
urt 25th
Bihar ekingo diogu FutbolazBlai egitasmoko entrenatzaileen 1. formazio saioari. Oraindik ere garaiz zaude parte hartu nahi baduzu. Dohainik izango da gainera. Futbolaren inguruko kalitatezko formazioa eskaintzea dugu helburu lan taldea osatzen dugun 3 lagunok.
Aitor Manterola eta Joseba Sesma joan zen urtean ezagutu nituen. Aitor Manterola ezagutu nuen lehendabizi. Urola Kostako Hitzan irakurri nuen futbolaren inguruko proiektu interesgarria abian jarri behar zuela, Futbolmamia. Arlo tekniko, taktiko, fisiko eta psikologikoak landu nahi zituela adierazten zuen elkarrizketa hartan. Jakinmina piztu zidan egitasmoak eta email bat idatzi nion, arlo psikologikoaren inguruan kolaboratzeko prest nengoela esateko. Handik egun batzuetara Zarautzen jarri genuen hitzordua eta baita berehala elkar ondo ulertu ere. Futbolzaletasunak batu gintuen eta batez ere, futbolaren jokoaren inguruan hitzegitea genuen gustoko, benetako futbolaz, zelaian egiten zenaz eta entrenamenduetan egiten zenaz ere bai.
Futbolmamian zenbait kolaborazio egin ditut geroztik futbolaren alderdi psikologikoaren gainean. Baina internetetik kanpo futbolean formazioaren inguruan lan handia egiteko dagoela pentsatzen genuen. Futbolean jokalari gazteen eta entrenatzailearen formazioa ezinbestekoa iruditzen zitzaigun eta bereziki hankamotz sumatzen genuen euskaraz egiteko aukera.
Ondoren Joseba Sesma prestatzaile fisikoa ezagutu nuen, Aitorrek aurkeztuta. Bera ere gure kezka eta hausnarketekin bat zetorren eta hirukotea osatu genuen. Entrenatzailea, prestatzaile fisikoa eta psikologoa, edozein futbol talderentzat teknikari talde osoa. Erantzun nahi genuen galdera ez More >
Irabazteak zenbat balio du?
urt 18th
Argazkia: http://ivanfernandezanaya.blogspot.com.es/
Atzo Euskadi Irratiko “Faktoria” irratsaiotik deitu zidaten kirolean irabaztearen eta galtzearen inguruan hitz egiteko. Ivan Fernandez korrikalari gasteiztarrak Abel Mutai keniarrarekin Burlatako krosean izan zuen keinua izan genuen hizpide. Labur azaltzeko: Abel Mutai krossa irabaztekotan zen, abantailarekin zihoan lasterketan lehenengo postuan baina helmuga gainditu zuela pentsatuz, erritmoa mantsotu zuen eta bigarren zetorren Ivan Fernandez bere pareraino iritsi zen atzetik. Gasteiztarra Keniarraren akatsaz ohartu eta helmuga 1. gurutzatu zezan bultzatu zuen korrikalari afrikarra. Ez zuen zertan hori egin. Keniarrak akatsa egin zuen eta ez zegoen behartuta egin zuena egitera. Baina modu horretan irabaztea baino nahiago izan zuen bigarren egin. Keinu ederra, kiroltasunezkoa, gizalegezkoa. Lasterketan keniarrak gaitasun handiagoa erakutsi zuen eta halaxe onartu zuen Ivan Fernandez-ek bere keinuarekin.
Bart goizealdean, berriz, Lance Armstrong-ek telebistan egindako elkarrizketa batean onartu du dopatu egin zela, legezkoak ez ziren sustantziak erabili zituela bere errendimendua handitzeko. Hau da, tranpa egiten ari zela jakinik, debekatutako produktuak hartu zituen. Lortutako emaitzak ( 7 Frantziako Tour, besteak beste) dopatuta irabazi zituela esan du.
Bi kasu, bi egoera eta bi jokabide. Batzuentzat Armstrong azkarra izango zen, listoa, beste batzuentzat Ivan Fernandez tentela, leloa. Edo alderantziz. Kirola eta etika. Enegarren aldiz sortzen da galdera: irabazteko guztiak balio al du? Zenbat balio du garaipenak? Edozer ordaintzeko prest More >
Aldaketak KirolPsikologian
urt 14th
Urtea estreinatu berritan helburuak pilatzen ditugu. Hau egingo dut, beste hura egiten saiatuko naiz… asmo guztiak egin nahiko genituzkeenen inguruan. Neuk ere jarri diot betebeharra neure buruari: Blog honetan sarriago idaztea. Baina, zenbat idatzi nahi dut? Asmoa, astean gutxienez post bat idaztea. Ikusiko dugu hitza betetzeko gai naizen.
Urte hasierarekin, promes egitea bezain ohikoa bihurtzen da asmo edo egitasmo berriei heltzea. Neuk ere ezin eutsi izan diot gogo horri, azken hilabeteetan gaiari hainbat buelta eman dizkiot, aldekoak eta kontrakoak aztertu ditut eta KirolPsikologiarekin zerikusia duen erabakia hartu dut.
KirolPsikologia 2005. urtean sortu nuen, KirolPsikologia.com helbidea izan zuen hasieran. Ondoren blog itxura hartu zuen. Oraindik ere irakurgai daukazue: http://kirolpsikologia.blogspot.com euskara hutsezko bloga.
2010. urtean KirolPsikologia.net jaio zen eta elebitan idazten hasi nintzen, euskaraz eta gazteleraz. Zerbitzu eta ikastaroei buruzko informazio oro bi hizkuntzatan topatu zitekeen. Blogean idatzi ditudan artikulu ia guztiak elebitan idatzi ditut. Gai guztiak, kirolaren psikologiaren ikuspegitik landutakoak izan dira, hori baitzen gaia: Kirolaren Psikologia. Esparru mugatua.
Esparru hori zabaltzen joateko asmoa dut. Hasteko, KirolPsikologia.net, kirolaren eta ariketa fisikoaren inguruko gaiak euskaraz lantzeko gune izatera pasako da. Egitasmo berri bat jarriko dut abian: Kirolaz haratago, pertsonei beraien hobekuntza pertsonal nahiz profesional laguntzea. Orain arte kirolera mugatu izan naiz eta orain esparrua zabaldu nahi dut. More >
IV. KirolPsikologia Bekako irabazleak
urt 8th
Iritsi da eguna. Pasa den abenduan zabaldu genuen IV. KirolPsikologia Bekarako izenemate epea eta dagoeneko iritsi da irabazleak argitaratzeko eguna Ez da batere erraza izan erabakia hartzea. Urtetik urtera zailagoa egiten zaigu. Guztira 8 beka eskera jaso ditugu. 5 kirolari eta 3 entrenatzaile. Ez dugu epaile edo arbitroa den inorren eskaerarik jaso.
ESKERA DATUAK
8 eskaera.
5 kirolari. 3 emakumezko eta 2 gizonezko. Kirolak: egokitutako mahai tenisa, txirrindularitza, eskalada-areto futbola, taekwondoa eta eskubaloia.
3 entrenatzaile eta 3ak gizonezkoak. 2 eskubaloiko entrenatzaileak eta txirrindularitzakoa bestea.
Jaso ditugun eskaerak interesgarriak izan dira guztiak eta kirol psikologian benetako interesa eta gogoa erakusten zutenak. Horregatik, aldez aurretik milesker parte hartu duzuen guztioi eta zorterik onena denoi zuen kirol ibilbideetan.
IV. KirolPsikologia Beka jasoko dutenak:
Kirolaria: Iker Sastre. Egokitutako mahai tenisa.
Kirolaria: Nerea Pena. Eskubaloia
Entrenatzailea: Sergio Barcenilla. Eskubaloia.
Zorionak guztioi! Laister jarriko gara zuekin harremanetan aholkularitza lehenbailehen hasteko.
Bekarik jaso ez duzuenoi gure esker ona adierazi nahi dizuegu eta eskerrak emateko moduetako bat opari bat egitea dela uste dugu:, Bekan parte hartu duzuen kirolari eta entrenatzaileei email bidezko doako aholkularitza eskaintzen dizuegu 6 hilabetez zuek nahi duzuen unetik hasita, beti ere 2013 urtean zehar. Hau da, email bidez nahi adina galdera, kezka, zalantza eta kontu azal ditzakezue eta KirolPsikologia.net-eko lan taldeak zuen galderak erantzungo ditu. Hau izan da zuen partehartzea eskertzeko eta saritzeko More >